ಭಾರತೀಯ ಆಟೋಮೊಬೈಲ್ ಕ್ಷೇತ್ರಕ್ಕೆ ದಿನಕ್ಕೊಂದು ವಿದೇಶಿ ಕಂಪನಿಗಳು ಕಾಲಿಡುತ್ತಿವೆ. ಭಾರತೀಯ ಆಟೋಮೊಬೈಲ್ ಕ್ಷೇತ್ರದಲ್ಲಿರುವ ಅವಕಾಶವನ್ನು ಕಂಡುಕೊಂಡು ವಿದೇಶಿ ಕಂಪನಿಗಳು ಲಗ್ಗೆ ಇಡುತ್ತಿವೆ ಎಂದರೆ ಎರ್ಳಳಷ್ಟೂ ತಪ್ಪಾಗಲಾರದು. ಇಂತಹ ಒಂದು ಕಂಪನಿಗಳ ಸಾಲಿಗೆ ಸೇರಿವ ಕಂಪನಿ ಎಲ್ಲರಿಗೂ ತಿಳಿದಿರುವ ಚೀನಾ ಮೂಲದ ಎಂಜಿ ಮೋಟಾರ್ಸ್.
ಈಗಾಗಲೇ ಕೆಲವು ವರ್ಷಗಳಿಂದ ಎಂಜಿ ಭಾರತೀಯ ಮಾರುಕಟ್ಟೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ಹಲವಾರು ಕಾರು ಮಾದರಿಗಳನ್ನು ಜನರ ಮುಂದಿಟ್ಟು ಯಶಸ್ವಿಯಾಗಿದೆ. ಅದರಲ್ಲಿ ಒಂದು ಎಂಜಿ ಹೆಕ್ಟರ್ ಎಂಬ ಎಸ್ಯುವಿ. ಹಲವಾರು ಆಧುನಿಕ ಫೀಚರ್ಗಳಿಂದ ಕೂಡಿರುವ ಈ ಕಾರು ಇದೀಗ ಸ್ಟಾರ್ಮ್ ಎಡಿಷನ್ನಲ್ಲಿ ಜನರ ಮುಂದೆ ಬಂದಿದೆ. ಹೌದು, ಕಂಪನಿ ತನ್ನ ಪ್ರಸಿದ್ದ ಕಾರು ಮಾದರಿ ಎಂಜಿ ಹೆಕ್ಟರ್ನ ಸ್ಟಾರ್ಮ್ ಎಡಿಷನ್ ಅನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಲಾಂಚ್ ಮಾಡಲಿದೆ.
ಎಂಜಿ ಈಗಾಗಲೇ ಈ ಕಾರಿನ ಟೀಸರ್ ಅನ್ನು ಬಿಡುಗಡೆ ಮಾಡಿದ್ದು, ಈ ವಾಹನದ ಟೀಸರ್ ಆಕರ್ಷಕವಾಗಿ ಮೂಡಿ ಬಂದಿದೆ. ಹೌದು, ವಿಡಿಯೋದಲ್ಲಿ ಕಾಣುವಂತೆ ಮ್ಯಾಟ್ ಬ್ಲಾಕ್ ಬಣ್ಣದಲ್ಲಿ ಕಂಡು ಬಂದಿದ್ದು, ಅಲ್ಲಲ್ಲಿ ಕೆಂಪು ಬಣ್ಣದ ಇನ್ಸರ್ಟ್ಗಳನ್ನು ಸಹ ಕಾಣಬಹುದು. ಹೆಕ್ಟರ್ ಸ್ಟಾರ್ಮ್ ಎಡಿಷನ್ನಲ್ಲಿ(MG Hector Storm Edition) ಬ್ರೇಕ್ ಕ್ಯಾಲಿಪರ್ಗಳು ಸಹ ಕೆಂಪು ಬಣ್ಣದಲ್ಲಿ ಮೂಡಿ ಬಂದಿದ್ದು, ಇದು ಈ ಕಾರಿನ ಲುಕ್ ಅನ್ನು ಮತ್ತಷ್ಟು ಸ್ಪೋರ್ಟಿಯಾಗಿಸುತ್ತಿದೆ.
ಸಂಬಂಧಿತ ವಿಷಯಕ್ಕೆ ಲಿಂಕ್ ಅನ್ನು ಸೇರಿಸಲು ಅನುಮತಿಸಲಾಗಿದೆ, ಆದರೆ ಕಾಮೆಂಟ್‌ಗಳು ಪೋಸ್ಟ್ ವಿಷಯಕ್ಕೆ ಸಂಬಂಧಿತವಾಗಿರಬೇಕು. ಅಶ್ಲೀಲತೆ ಸೇರಿದಂತೆ ಕಾಮೆಂಟ್‌ಗಳನ್ನು ಅಳಿಸಲಾಗುತ್ತದೆ. ಆಕ್ರಮಣಕಾರಿ ಎಂದು ಪರಿಗಣಿಸಬಹುದಾದ ಭಾಷೆ ಅಥವಾ ಪರಿಕಲ್ಪನೆಗಳನ್ನು ಹೊಂದಿರುವ ಕಾಮೆಂಟ್‌ಗಳನ್ನು ಅಳಿಸಲಾಗುತ್ತದೆ.