ಕಾಡುಗುಡಿಯಲ್ಲಿ ಮಕ್ಕಳೊಂದಿಗೆ ಕಿರು ಅರಣ್ಯ ನಿರ್ಮಾಣ

ಬೆಂಗಳೂರು ಮಹದೇವಪುರ ಕ್ಷೇತ್ರದ ಕಾಡುಗುಡಿ ಎಕೆಜಿ ಕಾಲೋನಿ ಸರ್ಕಾರಿ ಶಾಲಾ ಆವರಣದಲ್ಲಿ ಸ್ಥಳೀಯರು ಹಾಗೂ ಪರಿಸರ ಪ್ರೇಮಿಗಳು ಶಾಲಾ ಮಕ್ಕಳೊಂದಿಗೆ ಕೈಜೋಡಿಸಿ ಕಿರು ಅರಣ್ಯ ನಿರ್ಮಿಸಿದ್ದಾರೆ. ನೂರಾರು ಗಿಡಗಳನ್ನು ನಾಟಿ, ಮಕ್ಕಳಿಗೆ ಮರಗಳ ಮಹತ್ವ, ಅದರ ಉಪಯೋಗ, ಔಷಧೀಯ ಗುಣ ಲಕ್ಷಣಗಳ ಬಗ್ಗೆ ತಿಳಿಸಲಾಯಿತು. ಮಣ್ಣಿನ ಸಂರಕ್ಷಣೆಯ ಅವಶ್ಯಕತೆ ಹಾಗೂ ಪರಿಸರ ಸಮತೋಲನ ಕಾಪಾಡುವ ಕುರಿತು ಜಾಗೃತಿ ಮೂಡಿಸಲಾಯಿತು. ಈ ಕಾರ್ಯಕ್ಕೆ ಸ್ಥಳೀಯ ಮುಖಂಡ ಗುಟ್ಟಮಾರಪ್ಪ, ಎಲ್. ರಾಜೇಶ್, ಪರಿಸರ ಮಂಜು ಹಾಗೂ ಮುರುಗೇಶ್ ಬೆಂಬಲ ನೀಡಿದರು. ಶಾಲಾ ಮಕ್ಕಳು ಹಾಗೂ ಶಿಕ್ಷಕರು ಉತ್ಸಾಹದಿಂದ ಭಾಗವಹಿಸಿದರು.