Kangana Ranaut : ಬಿಟೌನ್‌ ಸುಂದರಿ ಕಂಗನಾ ರನೌತ್‌ ʼತೇಜಸ್‌ʼ ಸಿನಿಮಾ ಪ್ರಮೋಷನ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಇತ್ತೀಚೆಗೆ ಈ ನಟಿ ಸಂದರ್ಶನವೊಂದರಲ್ಲಿ ತಮ್ಮ ಮದುವೆಯ ಬಗ್ಗೆ ಮನಬಿಚ್ಚಿ ಮಾತನಾಡಿದ್ದು, ಶೀಘ್ರದಲ್ಲೇ ಹಸೆಮಣೆ ಏರಲಿದ್ದಾರೆ ಎಂಬ ವಿಷಯ ರಿವಿಲ್‌ ಮಾಡಿದ್ದಾರೆ.
ಸಂದರ್ಶನದಲ್ಲಿ ಮಾತನಾಡಿದ ನಟಿ "ಪ್ರತಿ ಹೆಣ್ಣಿಗೂ ಮದುವೆ ಹಾಗು ಕುಟುಂಬ ಒಂದು ಕನಸಾಗಿರುತ್ತದೆ. ನಾನೂ ಸಹ ಫ್ಯಾಮಿಲಿ ಪರ್ಸನ್‌. ಆದರಿಂದ ನನಗೆ ಮದುವೆ ತುಂಬಾ ಮುಖ್ಯ. ಇನ್ನು ಐದು ವರ್ಷಗಳಲ್ಲಿ ನಾನು ಮದುವೆಯಾಗಿ ಒಂದು ಫ್ಯಾಮಿಲಿಯ ಭಾಗವಾಗಿರುತ್ತೇನೆ. ನನಗೆ ಲವ್‌ ಕಮ್‌ ಅರೇಂಜ್‌ ಮ್ಯಾರೇಜ್‌ ಆದರೆ ಒಳ್ಳೆಯದು ಅಂತ ಅನಿಸುತ್ತದೆ ಎಂದು ಹೇಳಿದ್ದಾರೆ.
ಇದನ್ನು ಓದಿ: ಮನೆ ಶೋಧಿಸಿದ ಅರಣ್ಯಾಧಿಕಾರಿಗಳ ಕ್ರಮ ಕಾನೂನುಬಾಹಿರ..! ಹೈಕೋರ್ಟ್‌ ಮೊರೆ ಹೋದ ನಟ ಜಗ್ಗೇಶ್‌
ತಮ್ಮ ಹಳೆಯ ರಿಲೇಷನ್‌ ಶಿಪ್‌ ಬಗ್ಗೆ ಮಾತನಾಡಿದ ನಟಿ, ಪ್ರತಿ ಬಾರಿಯು ರಿಲೇಷನ್‌ ಶಿಪ್‌ನಲ್ಲಿ ಸಕ್ಸಸ್‌ ಕಾಣುವುದಿಲ್ಲ. ನೀವು ಚಿಕ್ಕ ವಯಸ್ಸಿನಲ್ಲಿ ನಿಮ್ಮ ರಿಲೇಷನ್‌ ಶಿಪ್‌ನಲ್ಲಿ ಗೆಲುವು ಕಾಣಲಿಲ್ಲ ಅಂದರೆ ಅದು ಒಳ್ಳೆಯದು. ನನಗೂ ಆ ರೀತಿಯೇ ಆಗಿರುವುದು. ಅವತ್ತು ಆ ನನ್ನ ಹಳೆಯ ರಿಲೇಷನ್‌ ಶಿಪ್‌ ಗೆದ್ದಿದ್ದರ, ನನ್ನ ಇಷ್ಟು ವರ್ಷಗಳು ವ್ಯರ್ಥವಾಗುತ್ತಿತ್ತು. ನನ್ನ ಅದೃಷ್ಟದಿಂದ ಆ ಸಂಬಂಧ ಮುಂದುವರೆಯಲಿಲ್ಲ. ನನ್ನನ್ನ ದೇವರು ಕಾಪಾಡಿದ ಅಂತ ಅನಿಸುತ್ತದೆ ಎಂದಿದ್ದಾರೆ.
ಇನ್ನು ಬ್ರೇಕ್‌ಅಪ್‌ ಬಗ್ಗೆ ಮಾತನಾಡಿ, ಆ ಸಮಯದಲ್ಲಿ ಆತನಿಗೆ ಮದುವೆಯಾಗಬೇಕಿತ್ತು, ಆದರೆ ನನಗೆ ಇಷ್ಟವಿರಲಿಲ್ಲ. ಅವನು ನನ್ನ ಸಾಮಾನ್ಯ ಹುಡುಗಿಯಂತೆ ನೋಡಲಿಲ್ಲ, ತುಂಬಾ ಗೌರವಿಸುತ್ತಿದ್ದ, ನನ್ನ ಯಶಸ್ಸಿನ ಬಗ್ಗೆಯು ಸಹ ಹೊಗಳುತ್ತಿದ್ದ, ನನಗೆ ಒಬ್ಬ ಅಭಿಮಾನಿಯನ್ನ ಮದುವೆಯಾಗಲು ಇಷ್ಟವಿರಲಿಲ್ಲ. ಅಲ್ಲದೆ ಅಂತಹ ದುರಹಂಕಾರಿ ವ್ಯಕ್ತಿ ಜೊತೆ ಬಾಳಲು ಇಷ್ಟವಿರಲಿಲ್ಲ ಎಂದು ಹೇಳಿಕೊಂಡಿದ್ದಾರೆ.
ಸಧ್ಯ ನಟಿ ಕಂಗನಾ ಅಭಿನಯದ ತೇಜಸ್‌ ಸಿನಿಮಾ ಬಿಡುಗಡೆಯಾಗಿದೆ. ಚಿತ್ರಮಂದಿರದಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಇತ್ತೀಚಿಗೆ ಕಂಗನಾ ತಮಿಳು ಸಿನಿಮಾ ಚಂದ್ರಮುಖಿ 2 ರಲ್ಲಿ ಕಾಣಿಸಿಕೊಂಡಿದ್ದರು. ರಾಘವ್‌ ಲಾರೆನ್ಸ್‌ ಜೊತೆ ನಾಯಕಿಯಾಗಿ ನಟಿಸಿದ್ದರು.
ಸಂಬಂಧಿತ ವಿಷಯಕ್ಕೆ ಲಿಂಕ್ ಅನ್ನು ಸೇರಿಸಲು ಅನುಮತಿಸಲಾಗಿದೆ, ಆದರೆ ಕಾಮೆಂಟ್‌ಗಳು ಪೋಸ್ಟ್ ವಿಷಯಕ್ಕೆ ಸಂಬಂಧಿತವಾಗಿರಬೇಕು. ಅಶ್ಲೀಲತೆ ಸೇರಿದಂತೆ ಕಾಮೆಂಟ್‌ಗಳನ್ನು ಅಳಿಸಲಾಗುತ್ತದೆ. ಆಕ್ರಮಣಕಾರಿ ಎಂದು ಪರಿಗಣಿಸಬಹುದಾದ ಭಾಷೆ ಅಥವಾ ಪರಿಕಲ್ಪನೆಗಳನ್ನು ಹೊಂದಿರುವ ಕಾಮೆಂಟ್‌ಗಳನ್ನು ಅಳಿಸಲಾಗುತ್ತದೆ.