Kushboo Sundar: ಕನ್ನಡವೂ ಸೇರಿದಂತೆ ದಕ್ಷಿಣ ಭಾರತೀಯ ಭಾಷೆಗಳ ಮಿಂಚಿದ್ದ ಹಾಗೂ ತಮಿಳುನಾಡಿನ ರಾಜಕಾರಣಿ ಖುಷ್ಬೂ ಸುಂದರ್ ಈಗ ಬರೋಬ್ಬರಿ 20 ಕೆ.ಜಿ ತೂಕವನ್ನು ಇಳಿಸಿಕೊಂಡು ಮಸ್ತ್‌ ಆಗಿ ಕಾಣ್ತಿದ್ದಾರೆ. ಈ ವಯಸ್ಸಿನಲ್ಲಿ ಇಷ್ಟೆಲ್ಲಾ ತೂಕ ಇಳಿಸಿಕೊಳ್ಳೋಕೆ ಆಗುತ್ತೇನ್ರಿ ಇದೆಲ್ಲಾ ಇಂಜೆಕ್ಷನ್ ಮಹಿಮೆ ಅಂತ ನೆಟ್ಟಿಗನೊಬ್ಬ ಕಮೆಂಟ್ ಮಾಡಿದ್ದು. ಖುಷ್ಬೂ ಮುಟ್ಟಿನೋಡಿಕೊಳ್ಳುವಂತೆ ಕಮೆಂಟ್ ಮಾಡಿದ್ದಾರೆ. ಕನ್ನಡ ಸೂಪರ್‌ ಹಿಟ್‌ ಸಿನಿಮಾಗಳಲ್ಲಿ ಒಂದಾಗಿರುವ ರಣಧೀರ ಸಿನಿಮಾನದಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್‌ ಜೊತೆ ನಟಿಯಾಗಿ ಮಿಂಚಿದ್ದ ಖುಷ್ಬೂ ಕನ್ನಡಿಗರಿಗೂ ಅಚ್ಚುಮೆಚ್ಚು. ಇದೀಗ ಬಿಜೆಪಿಯಲ್ಲಿ ಗುರುತಿಸಿಕೊಂಡಿರುವ ಅವರು ಸಿನಿಮಾ, ರಾಜಕೀಯ ಮತ್ತು ಪರ್ಸನಲ್‌ ಲೈಫ್‌ನ ಬ್ಯಾಲೆನ್ಸ್‌ ಮಾಡ್ತಿದ್ದಾರೆ.
ನಟಿ ಖುಷ್ಬೂ ಎಂದ ಕೂಡಲೇ ಜನರ ಮನಸ್ಸಿನಲ್ಲಿ ಬರುವುದು ರವಿಚಂದ್ರನ್‌ ಅವರೊಂದಿಗಿನ ಸಿನಿಮಾಗಳು. ರವಿಚಂದ್ರನ್‌ ಅವರೊಂದಿಗೆ ನಟಿ ಖುಷ್ಬೂ ಅವರು ಹ್ಯಾಟ್ರಿಕ್‌ ಸಿನಿಮಾಗಳಲ್ಲಿ ಮಿಂಚಿದ್ದರು. ಶಾಂತಿ ಕ್ರಾಂತಿ, ಅಂಜದ ಗಂಡು ಹಾಗೂ ರಣಧೀರದಲ್ಲಿ ಅಭಿನಯಿಸಿದ್ದರು. ಈ ಸಿನಿಮಾಗಳಲ್ಲಿ ಖುಷ್ಬೂ ಅಭಿನಯ ಮತ್ತು ಡ್ಯಾನ್ಸ್‌ನ ಜನ ಈಗಲೂ ಇಷ್ಟಪಡುತ್ತಾರೆ. ಖುಷ್ಬೂಗೆ ಈಗ 54 ವರ್ಷ ಈ ವಯಸ್ಸಿನಲ್ಲೂ ಅವರು ಫಿಟ್‌ & ಗ್ಲ್ಯಾಮರ್ ಆಗಿ ಮಿಂಚುತ್ತಿದ್ದಾರೆ. ಈ ವಯಸ್ಸಿನಲ್ಲೂ ಬರೋಬ್ಬರಿ 20 ಕೆ.ಜಿ ತೂಕವನ್ನು ಕಡಿಮೆ ಮಾಡಿಕೊಂಡಿದ್ದಾರೆ.
ಖುಷ್ಬೂ ಸುಂದರನ್ ಅವರು ಕಷ್ಟಪಟ್ಟು ತೂಕ ಇಳಿಸಿಕೊಂಡು ಎಲ್ಲರ ಕಡೆಯಿಂದಲೂ ವಾವ್ ಎನಿಸಿಕೊಳ್ಳುತ್ತಿರುವಾಗಲೇ ಕಿಡಿಗೇಡಿಯೊಬ್ಬ ಬಿಡ್ರಿ ಇದೆಲ್ಲಾ ಇಂಜೆಕ್ಷನ್ ಮಹಿಮೆ ಅಂತ ಕಮೆಂಟ್ ಮಾಡಿದ್ದಾನೆ. ಈ ಕಮೆಂಟ್‌ಗೆ ಖುಷ್ಬೂ ಸರಿಯಾಗಿ ಜಾಡಿಸಿದ್ದಾರೆ. ಇದೀಗ ಖಷ್ಬೂ ಜಾಡಿಸಿರುವ ಪೋಸ್ಟ್ ವೈರಲ್ ಆಗುತ್ತಿದೆ.
ಸಂಬಂಧಿತ ವಿಷಯಕ್ಕೆ ಲಿಂಕ್ ಅನ್ನು ಸೇರಿಸಲು ಅನುಮತಿಸಲಾಗಿದೆ, ಆದರೆ ಕಾಮೆಂಟ್‌ಗಳು ಪೋಸ್ಟ್ ವಿಷಯಕ್ಕೆ ಸಂಬಂಧಿತವಾಗಿರಬೇಕು. ಅಶ್ಲೀಲತೆ ಸೇರಿದಂತೆ ಕಾಮೆಂಟ್‌ಗಳನ್ನು ಅಳಿಸಲಾಗುತ್ತದೆ. ಆಕ್ರಮಣಕಾರಿ ಎಂದು ಪರಿಗಣಿಸಬಹುದಾದ ಭಾಷೆ ಅಥವಾ ಪರಿಕಲ್ಪನೆಗಳನ್ನು ಹೊಂದಿರುವ ಕಾಮೆಂಟ್‌ಗಳನ್ನು ಅಳಿಸಲಾಗುತ್ತದೆ.